ՍՅՈՒԶԱՆՆԱ ԻՍՐԱՅԵԼՅԱՆԻ ՄԱՀՎԱՆ ՊԱՏՃԱՌԸ ԴԵՌ ՀԱՅՏՆԻ ՉԷ
«Իրավունքը» բազմիցս է անդրադարձել ու ուշադրության կենտրոնում Սյուզաննա Իսրայելյանի մահվան փաստով հարուցված քրեական գործը:
Հիշեցնենք`օգոստոսի երկուսին Գրիգոր Լուսավորիչ բժշկական կենտրոնում մահացել էր 28-ամյա Սյուզաննա Իսրայելյանը չորորդ երեխան ունենալիս:
Այսօր մեզ հետ զրույցում Սյուզաննա Իսրայելյանի մայրը` Հասմիկ Հովհաննիսյանը, ասաց, որ երեխային հիվանդանոցից դեռ դուրս չեն գրել. «Մասաժներ են անում, նոր-նոր երեխան սկսել է ծծակը բռնել: Բայց դեռ զոնդով են կերակրում»:
Սյուզաննա Իսրայելյանի մահվան պատճառը պետք է պարզ լիներ նոյեմբերին, սակայն մինչ օրս տիկին Հովհաննիսյանի խոսքով` դատաբժշկական փորձաքննության արդյունքները դեռ հայտնի չեն: Մոտ քսան օրից պարզ կլինի` Սյուզաննան արդյոք մահացել է պտղաջրային էմբոլիայից, թե ոչ:
Ինչ վերաբերում է մահվան փաստով հարուցված քրեական գործին, տիկին Հովհաննիսյանի խոսքով` բացի բժշկից` «Գրիգոր Լուսավորիչ» բժշկական կենտրոնի ծննդաբերական բաժանմունքի վարիչԱրեն Գյոզալյանից, հարցաքննվել է այդ օրվա հերթապահ բժիշկը:
ՍՈՆԱ ԴԱՎԹՅԱՆ