«ՈՐՔԱՆ ՏՄԱՐԴԻ ԵՎ ԱՆԲԱՐՈՅԱԿԱՆ Է ԱՐԱՄ ՄԱՆՈՒԿՅԱՆԻ ԴԵՄ ԻՐԱԿԱՆԱՑՎԱԾ ՀԱՐՁԱԿՈՒՄԸ , ՆՈՒՅՆՔԱՆ ԱՆԲԱՐՈՅԱԿԱՆ ԵՎ ԱՆԸՆԴՈՒՆԵԼԻ Է ԱՅԴ ԹԵՄԱՆ ՇԱՀԱՐԿԵԼՆ ՈՒ ԴԻՎԻԴԵՆՏՆԵՐ ՔԱՂԵԼԸ»
ԱԺ ՀԱԿ խմբակցության պատգամավոր Արամ Մանուկյանը երեկ ծեծի է ենթարկվել եւ մինչ իրավապահ մարմինները կգտնեն մեղավորներին ու համապատասխան պատիժ կկիրառեն, սոցցանցերում ու այլ հարթակներում տեղի ունեցածը դարձել է լայն քննարկման թեմա: Անդրադառնալով քաղաքական շահարկումներին` ԱԺ Պետաիրավական հարցերի մշտական հանձնաժողովի նախագահ ՀՈՎՀԱՆՆԵՍ ՍԱՀԱԿՅԱՆԸ կոչ է անում.
«Հարգելի հայրենակիցներ,
որքան տմարդի եւ անբարոյական է ԱԺ պատգամավոր Արամ Մանուկյանի դեմ երեկ իրականացված հարձակումը, նույնքան անբարոյական եւ անընդունելի է այդ թեման շահարկելն ու դրանից դիվիդենտներ քաղելը: Ուստի` կոչ եմ անում բոլորին զերծ մնալ անհարկի մեկնաբանություններից ու վաղօրոք կատարված եզրահանգումներից, քանզի գործը գտնվում է բացառապես իրավական տիրույթում»:
ՀՐԱՆՏ ՍԱՐԱՖՅԱՆ