ԳՈՒՐԳԵՆ ԵՂԻԱԶԱՐՅԱՆ. ԹՈՒՐՔԻՑ ՍՈՎՈՐԵԼՈՒ ԲԱՆ ՈՒՆԵՔ
Այսօր ՍԴՀԿ համակարգող Գուրգեն Եղիազարյանը անդրադառնալով Թուրքիայում տեղի ունեցած դաժան, արնալի ցույցերին, զուգահեռ անցկացրեց դրանց և 2008թ. մարտի մեկին Հայաստանում տեղի ունեցած դեպքերի միջև: Նրա կարծիքով.
«Վերջին դեպքերը Ստամբուլում, Ստամբուլի կենտրոնում խոսեցին այլ բանի մասին, որ մենք թուրքերից շատ հետ ենք մնացել որպես մարդ, որպես քաղաքացի, որպես ազգասեր՝ ուղղակի որպես երկիր սիրող: Պարզվում է, որ այդ ստորը պատրաստ է գիշերվա քողի տակ տասը իմ ընկերներին գնդակահարի՝ մեր ոստիկանը, մեր զինվորը, մեր սեփական սրիկան, իսկ թուրք ոստիկանը տեսնելով որ իրեն հանիրավի հրամաններ են տալիս՝ ինքնասպան լինի: Վեցը թուրք ինքնասպան է եղել: Դուք հասկանում եք ինչ է կատարվում, թուրքը ձեզ համար մխիթարանք է, դուք թուրք չեք, դուք թուրքից անց եք: Թուրքը պատիվ ունի, թուրքը հարգանք ունի, թուրքը իմ ազգի հանդեպ 15թ.-ին ստորություն է արել, բայց վերջին դեպքերը ցույց տվեցին, որ խոսքը վերաբերվում է շատ լուրջ ազգի, պայծառ ազգի է վերաբերվում: Ոստիկանը, որը հանիրավի հրաման է ստանում և մնում է իր տված երդումն չկատարելու և իր հայրենակցի դեմ ոտնձգություն կատարելու մեջ այդ արանքում ելք է գտնում՝ սուիցիդ: Ես գլուխ եմ խոնարհում այդ թուրք ոստիկանների հիշատակի առջը»:
Հարց է առաջանում, թե ի՞նչ սովորելու բան ունենք մենք մի ազգից, մի իշխանությունից, ով չհանդուրժեց անգամ չորս բնապահպան ակտիվիստների խաղաղ բողոքի ակցիան և փողոցները թաթախեց արյան մեջ:
ՄԱՐԻՆԵ ԲԱՐՍԵՂՅԱՆ