ԺԱՌԱՆԳՈՒԹՅՈՒՆԸ ՓՈՐՁՈՒՄ Է ՄՈԽՐԱՑՆԵԼ ԸՆԴԴԻՄԱԴԻՐ ԴԱՇՏԸ
Այսօր «Իրավունք»-ը նշելով, որ «Ժառանգության» անդամ Անահիտ Բախշյանը հայտարարել է, թե իրենք «ռմբակոծելու» են ավագանու բոլոր որոշումները անխտիր, փորձեց ՍԴՀԿ համակարգող Գուրգեն Եղիազարյանից պարզել՝ արդյոք ճի՞շտ է այն դիրքորոշումը, որ ընդդիմությունը պետք է դեմ լինի ամեն ինչին՝ անկախ նրանից դրանք դրական թե բացասական երևույթներ են, Գ. Եղիազարյանը պատասխանեց.
«Այդ ռմբակոծումը կոչվում է գորգային ռմբակոծում, գորգայինը գիտե՞ք որն է՝ ամեն մեկ միլիմետրի վրա մեկ ռումբ են գցում և հսկայական տարածք մոխիրի են վերածում: Ես պատկերացնում եմ, ասենք թե ամերիկայից ինչ ցուցումներ է տվել առաջնորդը՝ լինելով Սերժ Սարգսյանի հավատարիմ զինակիցը և քանի որ խնդիր կա ընդդիմադիր դաշտը սատկացնել մինչև 18 թիվը, այ դրա համար իրենք այդ չորս, հինգ հոգով կռմբակոծեն բոլոր որոշումները անխտիր՝ այդ ավագանու: Բայց իրենք էլ գիտեն, շեֆն էլ գիտի, որ արդյունքի չեն հասնելու: Ասում են՝ շեֆ մեկա մենք արդյունքի չենք հասնելու, թողեք միքիչ խոսենք»:
Պարոն Եղիազարյանը շարունակում է մնալ այն համոզմանը, որ Րաֆֆի Հովհաննիսյանը իշխանությունների մարդն է և իր քայլերով փորձում է չեզոքացնել ընդդիմադիրներին:
ՄԱՐԻՆԵ ԲԱՐՍԵՂՅԱՆ