ՈՒ՞Մ ՁԵՌՆՏՈՒ ՉԷՐ ՀԱՅԱՍՏԱՆԻ ԿԱՅՈՒՆ ԶԱՐԳԱՑՈՒՄԸ
Երեկ ժամը 23.20-ի սահմաններում Տպագրիչների տան մոտ, ուսի հատվածում հրազենային վնասվածք ստացած, նախագահի թեկնածու Պարույր Հայրիկյանի վրա կատարած մահափորձի վերաբերյալ փորձեցինք մեկնաբանություն ստանալ քաղաքագետ ԼԵՒՈՆ ՄԵԼԻՔ-ՇԱՀՆԱԶԱՐՅԱՆԻՑ: Պարոն Մելիք-Շահնազարյան, ինչ եք կարծում, ինչ ուժեր են կանգնած այս գործի ետեւում:
-Թե ովքեր են եղել պատվիրատուները, ես, իհարկե, չեմ կարող ասել: Ես կարող եմ ասել այլ բան, Պարույր Հայրիկյանի վրա կրակել, նշանակում է կրակել մեր ընտրությունների վրա, ու Հայաստանի կայունության վրա: Դա կարող էր անել այն մարդը, ում այսօր ձեռնտու չէ Հայաստանի կայուն զարգացումը: Բոլորն էլ հասկանում էին, որ Պարույր Հայրիկյանը լուրջ թեկնածու չէր ընտրություններում ու կրակել նրա վրա, նշանակում է խափանել մեր ընտրությունները:
ՍՈՍԵ ՉԱՆԴՈՅԱՆ