Quantcast
Channel: RSS
Viewing all 18713 articles
Browse latest View live

ԸՆԴԴԻՄԱԴԻՐ ԿԱՆԱՅՔ` ՀԱՆՈՒՆ ՍԱՄՎԵԼ ԱԼԵՔՍԱՆՅԱՆԻ ՔՎԵԻ

0
0

ԸՆԴԴԻՄԱԴԻՐ ԿԱՆԱՅՔ`
ՀԱՆՈՒՆ ՍԱՄՎԵԼ ԱԼԵՔՍԱՆՅԱՆԻ ՔՎԵԻ


Ամերիկամետ եւ արմտամետ ուժերում երեկ քաոս էր տիրում, քանի որ խորհրդարանի քվեարկությանն էր դրված "2014 թ. հոկտեմբերի 10-ին Մինսկում ստորագրված" Հայաստանի Հանրապետության` "Եվրասիական տնտեսական միության մասին" 2014 թ. մայիսի 29-ի պայմանագրին միանալու մասին" պայմանգրի վավերացման հարցը:

Ընթերցել...


ՀԱՅ ՕԼԻԳԱՐԽՆԵՐԻՆ ԶԱՐՈՒՀԻ ՓՈՏԱՆՋՅԱՆԸ ՌԴ ՆԱԽԱԳԱՀ ՊՈՒՏԻՆՈՎ ՀԱԹԱԹԱ ՏՎԵՑ

0
0

ՀԱՅ ՕԼԻԳԱՐԽՆԵՐԻՆ ԶԱՐՈՒՀԻ ՓՈՏԱՆՋՅԱՆԸ ՌԴ ՆԱԽԱԳԱՀ ՊՈՒՏԻՆՈՎ ՀԱԹԱԹԱ ՏՎԵՑ

"Ժառանգություն" խմբակցության պատգամավոր Զարուհի Փոստանջյանը երեկ խորհրդարանում մինչ Հայաստանի` ԵՏՄ-ի անդամակցության պայմանագրի վավերացման քվեարկությունը, հիշեցրեց հետեւյալը.

Ընթերցել...

ՓԱՇԻՆՅԱՆԻՆ "ԶՐՈ"` ԱՐԱՄ ՄԱՆՈՒԿՅԱՆԻ ԿՈՂՄԻՑ

0
0

ՓԱՇԻՆՅԱՆԻՆ "ԶՐՈ"` ԱՐԱՄ ՄԱՆՈՒԿՅԱՆԻ ԿՈՂՄԻՑ

ՀԱԿ խմբակցության պատգամավոր ԱՐԱՄ ՄԱՆՈՒԿՅԱՆԻՑ "Իրավունքը" փորձեց հետաքրքրվել` արդյոք ՀԱԿ խմբակցության պատգամավոր Նիկոլ Փաշինյանը լյուստրացիայի չենթարկեց ՀԱԿ-ին, որը չմիացավ Սերժ Սարգսյանին պաշտոնանկ անելու գործընթացին:

Ընթերցել...

ԱՇՈՏ ՄԱՆՈՒՉԱՐՅԱՆ. "ՑԵՂԱՍՊԱՆՈՒԹՅԱՆ 100-ԱՄՅԱԿԻՆ ԸՆԴԱՌԱՋ` ԿԱՐԵՎՈՐ Է ՀՌՉԱԿԵԼ ՀԱՅԱՍՏԱՆԻ ՈՒ ԱՐՑԱԽԻ ՎԵՐԱՄԻԱՎՈՐՄԱՆ ՓԱՍՏԸ"

0
0

ԱՇՈՏ ՄԱՆՈՒՉԱՐՅԱՆ. "ՑԵՂԱՍՊԱՆՈՒԹՅԱՆ
100-ԱՄՅԱԿԻՆ ԸՆԴԱՌԱՋ` ԿԱՐԵՎՈՐ Է ՀՌՉԱԿԵԼ
ՀԱՅԱՍՏԱՆԻ ՈՒ ԱՐՑԱԽԻ ՎԵՐԱՄԻԱՎՈՐՄԱՆ ՓԱՍՏԸ"


1989 թ.-ի դեկտեմբերի 1-ին կայացվեց Հայաստանի եւ Արցախիի վերամիավորման մասին որոշում, որի պատմական նշանակությունը, ըստ քաղաքական գործիչ, "Ղարաբաղ" կոմիտեի անդամ Աշոտ Մանուչարյանի, այն է, որ ինքնիշխանության հաստատման ու միավորման գործում կատարվեց լուրջ քայլ: "1989 թ.-ի դեկտեմբերի 1-ի որոշումը համաժողովրդական բնույթ ուներ",- "Իրավունքի" հետ զրույցում ասաց քաղաքական գործիչը:
Դեկտեմբերի 1-ի որոշումը, ըստ Մանուչարյանի, կարեւոր էր, որովհետեւ ԽՍՀՄ-ի վերջին տարիներին օրենսդրության մեջ մտավ մի կետ, ըստ որի` ԽՍՀՄ-ի կազմում ընդգրկված որեւէ հանրապետություն, եթե դուրս է գալիս ԽՍՀՄ-ից, ապա նրա ավտոնոմ մասը կազմող պետական միավորումը (տվյալ դեպքում Ադրբեջանի կազմում ավտոնոմ էր ԼՂ-ն) իրավունք էր ստանում հանրաքվեի միջոցով որոշել իր ճակատագիրը:

Ընթերցել...

ԱԴՐԲԵՋԱՆԱԳԵՏ. "ՀՀ-Ն ԵՎ ԼՂՀ-Ն ՈՒՂԻՂ ՔԱՅԼԵՐՈՎ ԳՆՈՒՄ ԵՆ ԴԵՊԻ ԴԵԿՏԵՄԲԵՐԻ 1-Ի ՈՐՈՇՄԱՆ ՄԵՋ ԱՄՐԱԳՐՎԱԾ ՆՊԱՏԱԿԻ ...

0
0

ԱԴՐԲԵՋԱՆԱԳԵՏ. "ՀՀ-Ն ԵՎ ԼՂՀ-Ն ՈՒՂԻՂ ՔԱՅԼԵՐՈՎ ԳՆՈՒՄ ԵՆ ԴԵՊԻ ԴԵԿՏԵՄԲԵՐԻ 1-Ի ՈՐՈՇՄԱՆ ՄԵՋ ԱՄՐԱԳՐՎԱԾ ՆՊԱՏԱԿԻ ԻՐԱԳՈՐԾՈՒՄԸ"

Ադրբեջանահայերի ասամբլեայի նախագահ ԳՐԻԳՈՐԻ ԱՅՎԱԶՅԱՆԸ "Իրավունքի" հետ զրույցում անդրադառնալով 1989 թ. դեկտմբերի 1-ի` Հայաստանի ԽՍՀ-ի ու Լեռնային Ղարաբաղի վերամիավորման որոշմանը` ասաց, որ այն հիմա էլ արդիական է: "Այդ որոշումն արդիական  է նաեւ այսօր ու ճակատագրական էր այն ժամանակ`  նաեւ ադրբեջանահայերի համար: Այդ որոշումը հայ ժողովրդի իղձերի մարմնավորումն է",- ասաց ադրբեջանագետը:
Պրն Այվազյանի խոսքով` ցավոք, այդ որոշումը մինչ այսօր կյանքի չի կոչվել. "ՀՀ-ն եւ ԼՂ-ն ուղիղ քայլերով  գնում են դեպի այդ որոշման մեջ ամրագրված նպատակի իրագործմանը` միջազգային  օրենքներին համահունչ:

Ընթերցել...

ՇԱՐՈՒՆԱԿՎՈՒՄ ԵՆ ԵՎՐՈՊԱԿԱՆ ԳՈՐԾԸՆԹԱՑՆԵՐԸ ԿԱՄ ԵՏՄ-Ն ԵՄ-ԻՆ ՎՆԱՍ ՉԻ

0
0

ՇԱՐՈՒՆԱԿՎՈՒՄ ԵՆ ԵՎՐՈՊԱԿԱՆ ԳՈՐԾԸՆԹԱՑՆԵՐԸ ԿԱՄ ԵՏՄ-Ն ԵՄ-ԻՆ ՎՆԱՍ ՉԻ

"Ինչպես գիտեք, Հայաստանը 2012 թվականից Բոլոնիայի քարտուղար երկիր է, որը համակարգում է բարձրագույն կրթության բարեփոխումները ողջ եվրոպական տարածքում: Եվ մյուս տարի Հայաստանում տեղի է ունենալու նախարարական համաժողով, որի ժամանակ որոշում է կայացվելու, թե էլ որ երկիրն է միանում Բոլոնիայի գործընթացին: Այս ընթացքում մենք ստացանք երեք հայտ` Բելառուսից, Կոսովոյից եւ Լեռնային Ղարաբաղի հանրապետությունից", - այս մասին երեկ ՀՀ կառավարության նիստից հոտո լրագրողներերիս տեղեկացրեց ՀՀ ԿԳ նախարար ԱՐՄԵՆ ԱՇՈՏՅԱՆՆ ու հավելեց. "Այս հայտերը սահմանված կարգով ներկայացվել են Բոլոնիայի անդամ երկրներին եւ հաշվի առնելով այն, որ Բոլոնիայի անդամ դառնալու համար հարկավոր է, որպեսզի պետությունները միանան Եվրոպայի խորհրդի Մշակութային ժառանգության կոնվենցիային, ինչն արդեն վավերացվել է ԼՂՀ-ի եւ Կոսովոյի խորհրդարանների կողմից, բայց քանի որ այս երկու երկրները պաշտոնապես Եվրոպայի խորհրդի անդամ չեն, նրանց ներկայացրած հայտերը առկախվել են մինչեւ ԵԽ-ն կազմում պաշտոնապես ընդգրկվելը, իսկ Բելառուսի գործընթացը մեկնարկել է": Իսկ թե ի՞նչ կարող է այս հայտը տալ ԼՂՀ-ին, ԿԳ նախարարը ուրախությամբ նշեց. "ԼՂՀ մեր գործընկերներն արդեն այն աստիճանի են հասել իրենց կրթական բարեփոխումներով, որ կարողացել են պատրաստել մրցունակ զեկույց եւ ներկայացնել բարձրագույն եվրոպական կրթական տարածքին միանալու համար: Սա իրականում մեծ նվաճում է իրենց համար եւ ողջունելի է մեզ համար: Իհարկե, կարեւոր է, թե ինչպես կավարտվի գործընթացը, բայց նաեւ կարեւոր է, որ վերաբերմունքը ԼՂՀ-ի ու Կոսովոյի հայտերի նկատմամբ լինի միասնական, քանի որ երկուսն էլ ունեն նույն խնդիրը` դեռեւս միջազգայնորեն ամբողջությամբ ճանաչված չեն":

ՀՐԱՆՏ ՍԱՐԱՖՅԱՆ

 

ՇԱՐՈՒՆԱԿՎՈՒՄ ԵՆ ԵՎՐՈՊԱԿԱՆ ԳՈՐԾԸՆԹԱՑՆԵՐԸ ԿԱՄ ԵՏՄ-Ն ԵՄ-ԻՆ ՎՆԱՍ ՉԻ

0
0

ՇԱՐՈՒՆԱԿՎՈՒՄ ԵՆ ԵՎՐՈՊԱԿԱՆ ԳՈՐԾԸՆԹԱՑՆԵՐԸ ԿԱՄ ԵՏՄ-Ն ԵՄ-ԻՆ ՎՆԱՍ ՉԻ

"Ինչպես գիտեք, Հայաստանը 2012 թվականից Բոլոնիայի քարտուղար երկիր է, որը համակարգում է բարձրագույն կրթության բարեփոխումները ողջ եվրոպական տարածքում: Եվ մյուս տարի Հայաստանում տեղի է ունենալու նախարարական համաժողով, որի ժամանակ որոշում է կայացվելու, թե էլ որ երկիրն է միանում Բոլոնիայի գործընթացին:

Ընթերցել...

ԿՈՏԱՅՔԻ ՄԱՐԶ Է ԱՅՑԵԼԵԼ ՀՀ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐԸ

0
0

ԿՈՏԱՅՔԻ ՄԱՐԶ Է ԱՅՑԵԼԵԼ ՀՀ ԳՅՈՒՂԱՏՆՏԵՍՈՒԹՅԱՆ

ՆԱԽԱՐԱՐԸ



նախարար Ս. Կարապետյանն այցելել է Կոտայքի մարզ: ՀՀ Կոտայքի մարզպետ Ա. Հարությունյանը և ՀՀ Գյուղատնտեսության նախարարը իենց շրջայցը սկսել են Մայակովսկի համայնքում գործող խոզաբուծական համալիր: <<Յազիչյան>> ՍՊԸ-ին պատկանող խոզաբուծական ֆերմայի պատասխանատուները ներկայացրել են ընկերության գործունեության հիմնական ուղղությունները, անդրադարձ կատարել իրենց կողմից հիմնադրված տնտեսության զարգացման հեռանկարներին:
<<Յազիչյան>> ՍՊԸ-ում Կոտայքի մարզպետին ու Գյուղատնտեսության նախարարին ներկայացվել են գերմանական տեխնոլոգիաներով ներդրված ավտոմատացված համակարգերի կիրառման մանրամասները, որոնց միջոցով կազմակերպվում են տարածքի օդափոխության, կենդանիների կերակրման և այլ բնույթի աշխատանքներ:
Խոզաբուծական ֆերման այս պահին ունի շուրջ 600 խոզեր, 70 գլուխ մայրական կազմով: Ֆերմայի գործունեության ծավալների ընդլայնման նպատակով այս պահին իրականացվում է նոր համալիր-կոմպլեքսի շինարարություն, որի արդյունքում նախատեսվում է մայրական կազմը հասցնել գրեթե 120-ի և ունենալ տարեկան շուրջ 70 տոննայի չափով մսամթերքի արտադրություն:


Այնուհետև նրանք եղել են Մայակովսկի համայնքում նոր կառուցված սառնարան-սպանդանոցում: <<ԶՕՐ>> ՍՊԸ-ին պատկանող այս համալիրը կառուցվել է Միավորված ազգերի կազմակերպության Պարենի և գյուղատնտեսության ծրագրի շրջանակներում, որտեղ նախատեսված է յուրաքանչյուր հերթափոխի համար ունենալ շուրջ 12-15 աշխատատեղ:
Կոտայքի մարզպետն ու Գյուղատնտեսության նախարարն այցելել են նաև Զովք համայնքում գործող <<Չանախ>> կաթնամթերքի վերամշակման կոմբինատ, ծանոթացել ընկերության գործունեությանը, զրուցել պատասխանատուների հետ և շրջայց կատարել կոմբինատում:


Այս ձեռնարկությունը ևս ունի զարգացման հեռանկարային ծրագրեր, որոնց արդյունքում նախատեսվում է ընդլայնել կաթնամթերքի վերամշակման ծավալները:
Ս. Կարապետյանի մարզային այցելության ընթացքում քննարկվել են նաև գյուղատնտեսական տարվա մարզային ցուցանիշները, անդրադարձ է կատարվել հաջորդ տարվա ընթացքում ոլորտում նախատեսվող հիմնական ծրագրերին ու անելիքներին:

 

ՇԱՀԱՆԵ ԽԱՉԱՏՐՅԱՆ


ՉԵ՛Մ ՈՒԶՈՒՄ ՏԵՍՆԵԼ ԿՈՆՉԻՏԱՆԵՐԻ ԽՐԱԽՃԱՆՔԸ ՄԵՐ ԵՐԿՐՈՒՄ

0
0

ՉԵ՛Մ ՈՒԶՈՒՄ ՏԵՍՆԵԼ ԿՈՆՉԻՏԱՆԵՐԻ ԽՐԱԽՃԱՆՔԸ ՄԵՐ

ԵՐԿՐՈՒՄ. ՀԱՅԿ ԲԱԲՈՒԽԱՆՅԱՆ

 

ԱԺ-ում ԵՏՄ-ի պայմանագրի հետ կապված քննարկումների ընթացքում, ՍԻՄ նախագահ, ԱԺ ՀՀԿ խմբակցության պատգամավոր ՀԱՅԿ ԲԱԲՈՒԽԱՆՅԱՆԸ ելույթ ունեցավ «Սահմանադրական իրավունք միություն» կուսակցության անունից: Իր ելույթում մասնավորապես ասաց.

Մենք պետք է հասկանանք, որ աշխարհը գնում է ինտեգրացիայի, կլինի դա ԱՄՆ-ն, ՌԴ-ն, Չինաստանը, Հնդկաստանը, Բրազիլիան, բոլորը գնում են տարբեր տեսակի միավորումներին եւ բնական է, որ Հայաստանը չի կարող զերծ մնալ այդ գործընթացից:  Հարց է ծագում, որ միավորման մեջ կարող է լինել Հայաստանը: Մենք ունեինք երկու տարբերակ. մեկը եվրամիության դռնից դուրս, դռան հետեւը, կախվածության մեջ գտվող եւ այն էլ, ոչ անդամի կարգավիճակ, իսկ երկրորդը եվրասիական միության մեջ որտեղ կունենանք հսկայական առավելություններ: Սկսեմ տնտեսությունից.

1. Ելք դեպի մեծ ու պաշտպանված շուկա, զարգացման հեռանկարով, որտեղ արդեն 29 պետություն հայտնել են իրենց հետաքրքրությունը մտնելու այդ շուկա, իսկ 40 պետություն հայտնել են հետաքրքրություն ունենալ ազատ առեւտրի ռեժիմ ԵՏՄ-ի հետ:

2. Կունենանք ՀՆԱ-ի աճ, կյանքի մակարդակի բարձրացում:

3. Ներդրումների աճ տնտեսության արտահանող  ճյուղերի մեջ, արտադրության աճ այդ ճյուղերում:

4. Նոր արտահանվող ճյուղերի ստեղծում արտաքին ներդրումների հաշվին:

5. Աշխատանքային միգրացիայից ստացվող տրանսֆերտների աճ, մոտ 36 միլիոն դոլար ամեն տարի:

6. Միգրանտների իրավունքների հավասարությունը ռեզիդենտներին: Ունենալով աշխատանքային միգրացիա, մեր քաղաքացիները հնարավորություն կունենան ԵՏՄ-ի տարածքում ցույց տալ հայկական անձնագիրը եւ օգտվել բոլոր այն իրավունքներից, որն ունի տվյալ երկրի քաղաքացին:

7. Ներքին շուկայի զարգացման հաշվին տնտեսական աճ: Այստեղ պետք է հատուկ ասեմ, որ ստեղծվում է հյուսիս-հարավ առանցքը, որտեղ իրենց տեղն ունեն Վրաստանը եւ Իրանը եւ երբ այս ամբիոնից ասում են, թե Վրաստանի եւ Իրանի հետ, իբր թե մեր հարաբերությունները կբարդանան, կասեմ հակառակը, այդ հարաբերությունները կլավանան, քանի որ այդ առանցքի մեջ, ՌԴ-Վրաստան- Հայաստան-Իրան դեպի Սիրիա, Հայաստանը ստանում է իր ուրույն տեղը եւ հարաբերությունները գնալով զարգանալու են:

8. Ներմուծումները փոխարինող արտադրանքի աճ Հայաստանում: Ներմուծման 47 տոկոսի առումով մեզ տրվել են բացառություններ եւ ՀՀ-ին տրվել է  հնարավորություն ունենալ անցումային փուլ, որի հետ ընթացքում վստահաբար կարող եմ ասել, որ կզարգանա տնտեսական արտադրությունը, որը կփոխարինի իմպորտը: Մենք արդեն իսկ ստացել ենք օգուտներ դա գազի ու նավթամթերքի գնի 30 տոկոսով էժան ստանալու հնարավորությունն է:

9. Մենաշնորհային եւ գերակայող դիրք ունեցողների դիրքերի վերաբաշխում ինչը նույնպես շատ կարեւոր է: Այստեղ շատերը խոսում են մենաշնորհների մասին, բայց մենք կարողանում ենք հենց այդ տնտեսական զարգացումով լուծել այդ խնդիրները:

Շատ կարեւոր է նաեւ ինքնիշխանության մասին խոսակցությունները: Ինքնիշխանությունը դա երկերի անվտանգությունն է: Ինքնիշխանությունը դա հավասարություն է որոշումների ընդունման մեջ: Եվրասիական համակարգերը Հայաստանին տալիս են այդ հավասարությունը, դրա փոխարեն Եվրամիության համակարգը իր մեջ նոր ընդունված երկրներին տալիս է աղքատ ազգական կարգավիճակը, իսկ ասոցացվածներին, ինչպես առաջարկվում էր Հայաստանին, ընդհանրապես ձայնի իրավունք չի էլ նախատեսված:

Ինքնիշխանությունը ու ազատությունը դա սեփական ազգային արժեքային համակարգով ապրելու ազատություն է: Ես ուզում եմ, որ մեր երկիրը ապրի հազարամյակների ընթացքում բյուրեղացած հայ-ազգային արժեքներով, հայ քրիստոնեայի բարոյականությամբ, ավանդական ընտանիքով, սերունդների ավանդական փոխհարաբերություններով, լավի եւ վատի մասին ավանդական պատկերացումներով, այդ ամենը միասին կոչվում է ազգային ինքնության պահպանում, այն է՝ ինքնիշխանություն:

Ես չե՛մ ուզում, որ ինչ-ինչ այսպես կոչված միջազգային պարտավորություններ եւ կառույցներ մեզ ստիպեն խրախուսել տոտալիտար աղանդավորությունը: Ազատության անվան տակ տարածեն այլասերում, ֆետիշացնեն հակաքրիստոնեական վարքը, չե՛մ ուզում, որ հայ երեխան դատի տա իր ծնողին, չե՛մ ուզում, որ դպրոցում մեր երեխաներին պարտադիր մատուցեն այն այլանդակությունները, ինչը այսօր պարտադրում են եվրոպացի աշակերտներին եւ ինչի դեմ ընդվզում են նրանք ծնողները: Չե՛մ ուզում, որ մամուլի ազատության անվան տակ, արտասահմանյան ֆինանսավորմամբ, հակաազգային եւ հակապետական ուղեղների լվացում իրականացնեն: Չե՛մ ուզում տեսնել կոնչիտաների խրախճանքը, չե՛մ ուզում, որ քաղաքացիական հասարակության անվան տակ հասկանան տարբեր գրանտներով սնվող եւ նրանց պատվիրված երաժշտությունը կատարող ագրեսիվ խմբերին: Չե՛մ ուզում, որ դատարանները արդարացնեն հայոց ցեղասպանության հերքումը եւ ազատ արձակվեն Սաֆարով մարդասպանները, այլ ուզում եմ, որ իմ ազգի համար նույնպես գործի ինքնորոշման իրավունքը, որը ի դեպ հարգվում է Ռուսաստանի դաշնության եւ նրա նախագահ Վլադիրմիր Պուտինի կողմից, որը հայտարարել են. <Ով իրավունք ունի զրկել ժողովրդին ինքնորոշման իրավունքից>:

Եվ վերջապես պատմության մասին: Երեկ, դեկտեմբերի 2-ին լրացավ Արեքսանդրապոլի հայ-թուրքական պայմանագրի 93-րդ տարելիցը: Այն ժամանակ, հույս դնելով ամերիկացիների ու եվրոպացիների վրա եւ նրանց հորդորով դեմ դուրս գալով Ռուսաստանին մենք արդյունքում ստացանք 10 հազար քառակուսի կիլոմետր ունեցող Թուրքիային վասալ Հայաստան: Այնուհետեւ 10 հազարը դարձավ 30 հազար քառակուսի կիլոմետրով Խորհրդային Հայաստան, իսկ այսօր՝ արցախյան պատերազմում տարած պատերազմում ունենք 45 հազար քառակուսի կիլոմետրով վերամիավորված Հայաստան: Հանուն այս Հայաստանի էլ պետք է կնքվի ԵՏՄ-ի պայմանագիրը:

ՌՈՒՍՏԱՄՅԱՆԸ` ՓԱՇԻՆՅԱՆԻՆ. «ԳՆԱԼ ԻՄՊԻՉՄԵՆՏԻ` ՆՇԱՆԱԿՈՒՄ Է ՊԱՀԵԼ ՆԱԽԱԳԱՀԻ ԱԹՈՌԸ»

0
0

ՌՈՒՍՏԱՄՅԱՆԸ` ՓԱՇԻՆՅԱՆԻՆ. «ԳՆԱԼ ԻՄՊԻՉՄԵՆՏԻ`

ՆՇԱՆԱԿՈՒՄ Է ՊԱՀԵԼ ՆԱԽԱԳԱՀԻ ԱԹՈՌԸ»

 

ՀԱԿ խմբակցության պատգամավոր  Նիկոլ Փաշինյանի` Սերժ Սարգսյանի պաշտոնանկության գործընթացին չմիացավ նաեւ ընդդիմություն համարվող ՀՅԴ-ը: «Իրավունքը» ՀՅԴ խմբակցության ղեկավար Արմեն Ռուստամյանից հետաքրքրվեց`  արդյոք ՀՅԴ-ը, չմիանալով Փաշինյանի նախաձեռնությանը, անուղղակիորեն  չսատարեց իշխանությանը: «Ինչու այդ հարցը չեք տալիս ուրիշներին`նրանց, որոնք անհապաղ իշխանափոխության ջատագովն էին»,- պատասխանեց Ա. Ռուստամյանը:

ՀՅԴ խմբակցության ղեկավարը պարզաբանում է` Փաշինյանի նախաձեռնությունը դաշնակցության հայեցակարգի ու ծրագրի հետ որեւէ առնչություն չունի: «Մենք ասում ենք հրաժարվենք ընդհանրապես նախագահի աթոռից: Իսկ իմպիչմենտի գնալով` նշանակում է պահել նախագահի աթոռը: Հիմա էլ արտահերթ ընտրություններ լինեն, ժողովուրդը քառասուն օրվա մեջ չհասկանա ինչ կլինի: Գա չորրորդ նախագահը, որոշ ժամանակ անց սկսվի  նրա պաշտոնանկության գործընթացը»,- մանրամասնեց խմբակցության ղեկավարը:

Ինչ վերաբերում է տարածված այն կարծիքին, թե ՀԱԿ պատգամավորը  իր նախաձեռնությամբ գաղտնազերծեց ընդդիմադիր ուժերին, դաշնակցության խմբակցության ղեկավարի խոսքով հասարակությունը թող որոշի, թե ով է ընկել լյուստրացիայի տակ:

 

ՍՈՆԱ ԴԱՎԹՅԱՆ

«ՀԱՄ ԿՈՒԼԱՄ, ՀԱՄ ԿԵՐԹԱՄ» ԴԵՊԻ ԵՏՄ

0
0

«ՀԱՄ ԿՈՒԼԱՄ, ՀԱՄ ԿԵՐԹԱՄ» ԴԵՊԻ ԵՏՄ

 

Թեպետ ԱԺ ԲՀԿ խմբակցությունը վերջապես կողմնորոշվել էր ու դրական դիրքորոշում ուներ ՀՀ ԵՏՄ անդամակցման վերաբերյալ, բայց արի ու տես, որ որոշ ԲՀԿ-ական պատգամավորների «ձեռնք այդպես էլ չգնաց», որպեսզի խորհրդարանում «կողմ» քվեարկեն այս պայմանագրին: Միակ լուծումը բացակայելն էր, ինչը հենց արեց ԱԺ ԲՀԿ խմբակցության քարտուղար Նաիրա Զոհրաբյանը, ով ԱԺ Եվրաինտեգրման մշտական հանձնաժողովի նախագահն է: Ինչ խոսք, խիստ տրամաբանական է այս քայլը, չէ՞ որ տիկին Զոհրաբյանի ղեկավարած հանձնաժողովն այլեւս իմաստազրկվում է: Ի դեպ, հավանաբար, ԱԺ «Ժառանգություն» խմբակցության պատգամավոր Զարուհի Փոստանջյանի խոսքից ազդված, ով նշեց, թե այս քվեարկությանը արտասահմանում էլ են հետեւում, մի քանի ԲՀԿ-ական պատգամավորներ եւս միացան եվրոպաների «ականջը շոյելուն» ու չմասնակցեցին քվեարկությանը:

 

ՀՐԱՆՏ ՍԱՐԱՖՅԱՆ

ԴԵՐԱՍԱՆԻ ՄԱՍՆԱԿՑՈՒԹՅԱՄԲ ՎԹԱՐԻՑ ՏՈՒԺՈՂՆԵՐԻ ՀԱՐԱԶԱՏՆԵՐԸ ՀԱՇՏՈՒԹՅԱՆ ՄԱՍԻՆ. «ԲԱՑԱՌՎԱԾ Է»

0
0

ԴԵՐԱՍԱՆԻ ՄԱՍՆԱԿՑՈՒԹՅԱՄԲ ՎԹԱՐԻՑ ՏՈՒԺՈՂՆԵՐԻ

ՀԱՐԱԶԱՏՆԵՐԸ ՀԱՇՏՈՒԹՅԱՆ ՄԱՍԻՆ. «ԲԱՑԱՌՎԱԾ Է»


«Մենք չենք պատրաստվում որեւէ հաշտության մասին խոսել, եկավ դատաքննության ավարտը նոր են խոսում հաշտությսն մասին, մեր վերքին էդքան աղ լցրեցին հիմա էլ հաշտության մասին են խոսում, բացառված է»,-iravunk.com-ի հետ զրույցում անդրադառնալով տարածված լուրերին, որ դերասան Վարդան Պետրոսյանի հարազատները եւ տուժող կողմը հնարավոր է հաշտվեն, ասացին դերասանի մասնակցությամբ վթարի զոհ դարձած Հակոբյանների հարազատները:

Հիշեցնենք, որ Եղվարդ-Երևան ավտոճանապարհին դերասան Վարդան պետրոսյանի մասնակցությամբ տեղի ունեցած վթարի հետևանքով մահացել էին վթարին մասնակից «Նիվա» մակնիշի մեքենայի ուղևորներից երկու հորեղբորորդիներ՝ Էդվարդ և Էդգար Հակոբյանները։


ԻԼՈՆԱ ԱԶԱՐՅԱՆ

ՕՐԵՆՔՈՎ ԳՈՂԻՆ ԿՏԵՂԱՓՈԽԵՆ ՔԱՂԱՔԱՑԻԱԿԱՆ ՀԻՎԱՆԴԱ՞ՆՈՑ

0
0

ՕՐԵՆՔՈՎ ԳՈՂԻՆ ԿՏԵՂԱՓՈԽԵՆ ՔԱՂԱՔԱՑԻԱԿԱՆ

ՀԻՎԱՆԴԱ՞ՆՈՑ


Քրեական հեղինակություն օրենքով գող Զապի «Առողջական վիճակը այդքան էլ լավ չէ, ես պատրաստվում եմ դիմում ներկայացնել, որպեսզի Անդրանիկ Սողոյանին տեղափոխեն քաղաքացիական հիվանդանոց, նա տառապում եմ հեպատիտ c-ով»,- iravunk.com-ի հետ զրույցում ասաց օրենքով գող Զապի փաստբան ՎԱՀԱԳՆ ՄԱՐՏԻՐՈՍՅԱՆԸ:

Անդրադառնալով քրեական գործի մանրամասներին փաստաբանը հավելեց.

- Սպասում են Չեխիայից քրեական գործի նյութերին, բայց մինչ օրս ոչ ուղարկել են, ոչ էլ ես հույս ունեմ, որ կուղարկեն: Նման նախադեպ չի եղել, որ նրանք քրեական գործի նյութեր ուղարկեն որեւէ այլ երկիր, նրանց օրենսդրությունը լրիվ այլ է: Միայն Եվրոդատարանի պահանջով են նրանք քրեական գործ ուղարկում: Իմ պաշտպանյալը անմեղ է, եւ ես կարծում եմ, որ նա պետք է ազատության մեջ լինի: Կարծում եմ Վերաքննիչ բողոքը մեր սպասված արդյունքը կտա:

Նշենք, որ հոկտեմբերի 30-ին ՀՀ ոստիկանության քրեական հետախուզության գլխավոր վարչության ծառայողները Երևանի Խորենացի փողոցից հայտնաբերել և բերման են ենթարկել «Զապ» մականունով հայտնի` 46-ամյա Անդրանիկ Սողոյանին:


ԻԼՈՆԱ ԱԶԱՐՅԱՆ

ՍՅՈՒՆԵՑԻ ՊԱՏԳԱՄԱՎՈՐԸ ՄԱՐԶՊԵՏՒ ՊԱՇՏՈՆԻ ԱԽՈՐԺԱԿ ՈՒՆԻ ԵՎ ՈՉ ՄԻԱՅՆ

0
0

ՍՅՈՒՆԵՑԻ ՊԱՏԳԱՄԱՎՈՐԸ ՄԱՐԶՊԵՏՒ ՊԱՇՏՈՆԻ

ԱԽՈՐԺԱԿ ՈՒՆԻ ԵՎ ՈՉ ՄԻԱՅՆ

 

ՀՀԿ  սյունեցի պատգամավոր Արմեն Կարապետյանը, ով   Սյունիքի մարզպտ  Սուրեն Խաչատրյանի խորհրդարական էր, «Իրավունքի» հետ զրույցում  չցանկացավ որեւէ  գնահատական տալ մարզպետի աշխատանքից:  Պատգամավորը փորձեց խուսափել հարցից, բայց երբ պնդեցինք մեր հարցադրումը, պրն Կարապետյանը տեղի տվեց  ու ասաց, որ մարզպետի աշխատանքը  գնահատում է  կառավարությունն ու վարչապետը:

Սյունեցի պատգամավորին հիշեցրինք` ցանկացած պաշտոնյայի աշխատանք գնահատում է առաջին հերթին ժողովուրդը: «Իսկ կա՞ էնպիսի մի օրենք, ըստ որի` ժողովուրդը պետք  է գնահատի  պաշտոնյայի աշխատանքը»,- ասաց պատգամավորը մոռանալով, որ օրենքը չէ, որ պետք է թույլ տա կամ թույլ չտա  քաղաքացուն պաշտոնյայի աշխատանքը գնահատել

Սուրեն Խաչատրյանի նախկին խորհրդականը պարզվում է պաշտոնից չէր հրաժարվի: «Ես երկար ճանապարհ եմ անցել, բազմաթիվ  ձեռնարկությունների ղեկավար եմ եղել: Ցանկացած պաշտոն պատրաստ եմ ստանձնել լինի ղեկավար, լինի նախարար, մարզպետ, քաղաքապետ»,- ասաց  պատգամավորը:

- Կցանկանայի՞ք Սուրեն Խաչատրյանի  փոխարեն Ձեզ նշանակեին Սյունիքի մարզպետի պաշտոնում:

- Ես չեմ ասում ինչ-որ մեկի տեղն աշխատեմ: Նման ցանկություն չեմ հայտնել: Դուք ինձ հարցնում եք, թե որտեղ եմ ինձ տեսնում, ես էլ ասում եմ:

- Իսկ նախագահի պաշտոնում ձեզ տեսնում եք:

- Չէ:

- Իսկ վարչապե՞տ:

- Վարչապետն իր տեղում շատ լավ էլ աշխատում է:

ՍՈՆԱ ԴԱՎԹՅԱՆ

 

ՕԳՏԱԿԱՐ ԽՈՐՀՈՒՐԴՆԵՐ. ՏԵՍԱՆՅՈՒԹ

0
0

ՕԳՏԱԿԱՐ ԽՈՐՀՈՒՐԴՆԵՐ

 

{source}
<<iframe width="420" height="315" src="http://www.iravunk.com///www.youtube.com/embed/UubbP6fZ-d4" frameborder="0" allowfullscreen></iframe>>
{/source}


«ՓՈՂԱՅԻՆ ԳՈՐԾԻՔՆԵՐԻ ԿԱՏԱՐՈՂԱԿԱՆ ԱՐՎԵՍՏԸ ՀԱՍԵԼ Է ՇՈՇԱՓԵԼԻ ՀԱՋՈՂՈՒԹՅՈՒՆՆԵՐԻ»

0
0

«ՓՈՂԱՅԻՆ ԳՈՐԾԻՔՆԵՐԻ ԿԱՏԱՐՈՂԱԿԱՆ ԱՐՎԵՍՏԸ ՀԱՍԵԼ Է ՇՈՇԱՓԵԼԻ ՀԱՋՈՂՈՒԹՅՈՒՆՆԵՐԻ»


Օրերս  Երեւանի Կոմիտասի անվան պետական  կոնսերվատորիայում կայացավ ՎԱԼԵՆՏԻՆ ԹՈՎՄԱՍՅԱՆԻ «Փայտյա, պղնձյա փողային եւ հարվածային գործիքների կատարողական արվեստի պատմություն» եւ «Փայտյա, պղնձյա փողային գործիքների կատարողական արվեստի մեթոդիկա» ուսումնական ձեռնարկների շնորհանդեսը:

Ձեռնարկները նախատեսված են մասնագետների, երաժշտական բարձրագույն ուսումնական հաստատությունների ուսանողների, ինչպես նաեւ համապատասխան հետաքրքրություններով ընթերցողների լայն շրջանակի համար: Հեղինակն իր ուսումնասիրություններում հաստատել ու ապացուցել է, որ այսօրվա երաժշտական մշակույթի բնականոն ընթացքը խիստ փոխկապակցված է անցյալի հետ:

Գրքի հեղինակի կարծիքով. «Փողային գործիքների կատարողական արվեստը հասել է շոշափելի հաջողությունների, սակայն այդ նկարագիրը, կենսագրությունն ու պատմությունը մինչ օրս հավուր պատշաճի չէր ուսումնասիրվել եւ իմաստավորվել»: Ըստ նրա երկու ձեռնարկներում էլ ամփոփված ուսումնասիրություններն ու պատմագրական տեղեկությունները լրացնում են այդ բացը:

Աշխատություններում արժանին է հատուցվում փողային գործիքների կատարողների այն համաստեղությանը, ովքեր XX-րդ դարի 20-ական թթ. առ այսօր իրենց ստեղծագործական ու կազմակերպչական որոնումներով նպաստել են հայկական ազգային փողային եւ հարվածային կատարողական դպրոցի կայացմանն ու զարգացմանը, մասնագետ երաժիշտների պատրաստմանը: Հեղինակն իր գիտական հետազոտությունները դիտարկել է համամարդկային երաժշտական մշակույթի լավագույն ձեռքբերումների, համաշխարհային առաջավոր փորձի համատեքստում:

Վ. Թովմասյանը հայ երախտավորների նվաճումները համադրում է ժամանակաշրջանի հայրենասիրական ոգու եւ ազգային մշակութային զարթոնքի հետ` շնորհիվ անհատների ջանքերի ստեղծվեց սիմֆոնիկ նվագախումբ, որը հնչեցրեց ոչ միայն ազգային երաժշտությունը, այլեւ համաշխարհային դասականների ստեղծագործությունները, նպաստելով ազգային մշակույթի զարգացմանն ու ժողովրդի գեղագիտական ճաշակի դաստիարակմանը:

Արվեստագիտության թեկնածու Վալենտին Թովմասյանը երկար տարիներ աշխատել է Հայաստանի Ռադիոյում, հեղինակել է ավելի քան 5000 ռադիոծրագիր, հրատարակել է դասագրքեր եւ մենագրություններ, դասավանդում է Երեւանի Կոմիտասի անվան պետական  կոնսերվատորիայում, «Երաժշտական Հայաստան» ամսագրի պատասխանատու խմբագիրն է:

 

ԼԻԼԻԹ ԵՂԻԱԶԱՐՅԱՆ

ԵՐՎԱՆԴ ՂԱԶԱՆՉՅԱՆ. «ՊԻՏԻ ՆՈՐ ԱՐՅՈՒՆ ՆԵՐԱՐԿԵԼ ԹԱՏՐՈՆԻՆ»

0
0

ԵՐՎԱՆԴ ՂԱԶԱՆՉՅԱՆ. «ՊԻՏԻ ՆՈՐ ԱՐՅՈՒՆ ՆԵՐԱՐԿԵԼ ԹԱՏՐՈՆԻՆ»


Սերունդների պայքարը հավերժական է ու առավել արտահայտիչ թատերական ոլորտում: Հ. Պարոնյանի անվան երաժշտական կոմեդիայի թատրոնում սերնդափոխությունը սահուն է ընթանում, այդ մասին «Իրավունքին» ասաց թատրոնի գեղարվեստական ղեկավար ԵՐՎԱՆԴ ՂԱԶԱՆՉՅԱՆՆ ու հավելեց. «Բոլորս էլ հասկանում ենք, որ պիտի անընդհատ երիտասարդ դերասան-դերասանուհիներ գան թատրոն, ներմուծվեն մեր ընթացիկ խաղացանկ, որ պիտի նոր արյուն ներարկել թատրոնին: Այդ բոլորն անում ենք աննկատ, առանց որեւէ մեկին ցավ պատճառելու: Կարծում եմ` դա ճիշտ ճանապարհ է: Մի խոսքով` թատրոններն աշխատում են, եւ ինձ դուր է գալիս, որ դահլիճներում զգալիորեն բարձրացել է նաեւ հանդիսատեսի թիվը: Իհարկե, երբեմն ավելի մեծ հաջողություն են ունենում այն կոմիկական, սատիրական ներկայացումները, որոնք ավելի շատ դրամի համար են արվում: Բայց, այնուամենայնիվ, ժողովուրդը գալիս է: Ժամանակ է պետք, որ ժողովուրդն էլ հասկանա` ներկայացում նայելուց հետո այդ օրը երեկոյան գոնե մի քիչ պիտի մտածի, բայց եթե երբեմն պատահում են թիթեռի կյանք ունեցող ներկայացումներ, դա էլ ես համարում եմ բնական, որվհետեւ հնարավոր չէ անընդհատ գտնել արժեք ունեցող պիեսներ, որոնք հիմք դառնան արժեք ունեցող ներկայացումների: Կարծում եմ` թատրոնի կապը ինստիտուտի հետ պիտի ավելի ամրացնել, ես նաեւ կուրս եմ վարում այնտեղ եւ իմ անցյալ տարվա շրջանավարտների հետ պայմանագիր ունենք ու հունվարին մեր թատրոնի փոքր դահլիճն ենք բացելու` նրանց մասնակցությամբ փոքրիկ բեմադրությամբ, որից հետո արդեն թատերական ոլորտի ներկայացուցիչ-հանդիսատեսը կորոշի, թե նրանցից ով իրավունք կունենա արդեն իջնելու մեծ բեմ»:


ԼԻԼԻԹ ԵՂԻԱԶԱՐՅԱՆ

ՇԻՐԱԿԻ ՄՇԱԿՈՒԹԱՅԻՆ ԽՆԴԻՐՆԵՐԸ`ՄՇԱԿՈՒՅԹԻ ՆԱԽԱՐԱՐԻ ՈՒՇԱԴՐՈՒԹՅԱՆ ԿԵՆՏՐՈՆՈՒՄ

0
0

ՇԻՐԱԿԻ ՄՇԱԿՈՒԹԱՅԻՆ ԽՆԴԻՐՆԵՐԸ`ՄՇԱԿՈՒՅԹԻ ՆԱԽԱՐԱՐԻ ՈՒՇԱԴՐՈՒԹՅԱՆ ԿԵՆՏՐՈՆՈՒՄ


Մարզերում մշակութային կենտրոնների ընդհանուր վիճակին եւ խնդիրներին ծանոթանալու, ինչպես նաեւ այդ խնդիրներին լուծումներ տալու նպատակով` ՀՀ մշակույթի նախարար ՀԱՍՄԻԿ ՊՈՂՈՍՅԱՆ աշխատանքային այցելություններ է կատարում ՀՀ մարզեր: Այս անգամ նախարարը եւ փոխնախարար Արթուր Պողոսյանը այցելեցին Շիրակի մարզ: Հ.Պողոսյանը եւ բարձրաստիճան մյուս հյուրերը նախ եղան Արթիկ քաղաքի գեղարվեստի դպրոցում, որտեղ ծանոթացան մարզի մշակութային տարբեր կենտրոնների 84 սաների` շուրջ 90 աշխատանքների նկարչական ցուցահանդեսի: Հյուրերին իրենց կատարումներով ողջունեցին Արթիկի Դ. Ղազարյանի անվան մանկական երաժշտական դպրոցի երգչախումբը, որից հետո պատանի շնորհալի կոմպոզիտորները ներկայացրեցին իրենց ստեղծագործություննեը:

Նախարարի կողմից Արթիկի գեղարվեստի դպրոցին տրամադրվեց նկարչական պարագաներ, իսկ Դ. Ղազարյանի անվան մանկական երաժշտական դպրոցին`երաժշտական գրականություն: Դպրոցի ստեղծագործական դասարանի  դասատու Նարինե Մխիթարյանը եւ Արթիկի գեղարվեստի դպրոցի գծանկարի դասատու Սամվել Քարտաշյանը պարգեւատրվեցին ՀՀ մշակույթի նախարարության պատվոգրով` մշակույթի ոլորտում ունեցած ներդրման ու զարգացման, ինչպես նաեւ երկարամյա արդյունավետ գործունեության համար:

Մանկակական գեղարվեստական գրքերով, տեսաֆիլմերով եւ այլ նվերներով նախարարաը այցելեց նաեւ «Թռչունյան-տուն» մանկատուն կրթարան, որտեղ հանդիպեց կենտրոնի սաների հետ եւ լսեց նրանց երաժշտական կատարումները: «Ռոլան» մանկապատանեկան ֆիլմերի 10-րդ միջազգային փառատոնի մարզային փուլի շրջանակններում մանկատուն-կրթարանի սաների համար ցուցադրվեց «Կիսալուսնի ծովածոցը» ֆիլմը: Նախարարը «Թռչունյան տուն» մանկատուն-կրթարանի տնօրեն Սոնա Սիմոնյանին պարգեւատրեց ՀՀ մշակույթի նախարարության պատվոգրով` մշակույթի ոլորտում ունեցած ներդրման եւ արդյունավետ գործունեության համար:

Մարմաշենի վանքային համալիրում պետություն-մասնավոր համագործակցության ծրագրով վերջին տարիներին իրականացրած վերականգնողական աշխատանքներին  ծանոթանալու համար Հ. Պողոսյանը այցելեց նաեւ Մարմաշենի վանքային համալիր: Տեղում ծանոթացավ համալիրւմ առկա խնդիրներին  եւ հետագա ամրակայման եւ վերկանգնման աշխատանքներին:

2012-2014 թվականների ընթացքում մշակույթի նախարարությունը Շիրակի մարզում մշակութային կրթության ոլորտում իրականացրել է հետեւյալ ծրագրերը.

Ներկայում ՀՀ Շիրակի մարզում գործում է 28 գեղարվեստական կրթություն իրականացնող ուսումնական հաստատություն (11 երաժշտական, 14 արվեստի, 2 գեղարվեստի, 1 պարարվեստի դպրոց), որտեղ սովորում է 3078 աշակերտ, դասավանդում` 453 մանկավարժ: Մարզում գործում է 22 մանկական երգչախումբ:

ՀՀ մշակույթի նախարարության «Մշակութային կրթության աջակցության» հիմնադրամի կողմից 2012-2014 թվականներին հենակետային և այլ դպրոցներում իրականացվել է մի շարք կրթական ծրագրեր՝ ցուցաբերվել է ուսումնամեթոդական օժանդակություն, իրականացվել է վարպետության դասեր, որոնց մասնակցել են մարզի գեղարվեստական կրթություն իրականացնող ուսումնական հաստատությունների 2591 աշակերտ և 440 մանկավարժ, իսկ «Վերապատրաստման դասալսումներ» ծրագրով՝ 274 մանկավարժ:

ՀՀ մշակույթի նախարարության «ՀՀ շնորհալի երեխաների տեղեկատվական բանկում» 2012-2014 թթ. ՀՀ Շիրակի մարզից ընդգրկված շուրջ չորս տասնյակ շնորհալի երեխաներ մասնակցել են համատեղ համերգ-ստուգատեսների:

ՀՀ և ԼՂՀ տաղանդավոր պատանի երաժիշտ-կատարողների զարգացման և կատարելագործման նպատակային ծրագրում մարզից 2014 թ. ընդգրկվել են 2 պատանի երաժիշտ-կատարող (Գյումրու Կարա–Մուրզայի անվան պետական երաժշտական քոլեջի սաներ` Պետրոսյան Տիգրան (դաս.` Գ Ավանեսով), Գյոդակյան Վարդան (դաս.` Մ. Կարապետյան):

Երաժիշտ-կատարողների «Վերածնունդ» մանկապատանեկան 6-րդ մրցույթ-փառատոնին 2014 թ. մասնակցել է 33 երկրների 2706 երաժիշտ-կատարող (ՀՀ Շիրակի մարզից մասնակցել են 14 ուսումնական հաստատությունի՝ 170 աշակերտներ):

2013 թ. «Գյումրին ԱՊՀ 2013թ մշակութային մայրաքաղաք» ծրագրի շրջանակներում, ՀՀ մշակույթի նախարարության աջակցությամբ անցկացվել է  Մանկապատանեկան արվեստի ինտեգրատիվ առաջին հանրապետական փառատոնը: Փառատոնի նպատակն էր հաշմանդամություն ունեցող, ինչպես նաև սոցիալապես անապահով կամ առանց ծնողական խնամքի մնացած երեխաների ստեղծագործական ներուժի բացահայտումն ու ժամանակակից աշխարհում նրանց լիարժեք ներգրավումը: Փառատոնին մասնակցել են 20 հաստատությունների՝ 268 մասնակիցներ:

2012-2014 թթ. ՀՀ Շիրակի մարզի 16 պատվիրակներ մասնակցել են Վ. Սպիվակով միջազգային հիմնադրամի կողմից իրականացվող «Մոսկվան դիմավորում է ընկերներին» միջազգային փառատոնին (ՌԴ, Մոսկվա):

2012-2014 թթ. «Գեղարվեստական կրթության միջազգային շաբաթ» ծրագրի շրջանակներում իրականացվել է բազմաթիվ կրթադաստիարակչական միջոցառումներ:

2014 թ. մայիսի 30-ին Գյումրու արվեստի ակադեմիայի դահլիճում կայացել է ՀՀ Շիրակի, Սյունիքի, Լոռու. Արմավիրի, Արագածոտնի մարզերի 7 շնորհալի պատանի մենակատարների (ջութակ, ֆլեյտա, շեփոր, թավջութակ) համերգը՝ Գյումրու պետական սիմֆոնիկ նվագախմբի (գեղ. ղեկավար և դիրիժոր Երվանդ Վարոսյան) նվագակցությամբ:

2011-2014 թթ. «Երաժշտական, արվեստի և գեղարվեստի դպրոցների համար ուսումնական նոր ծրագրերի, դասագրքերի, մեթոդական ձեռնարկների մշակում և հրատարակում» ծրագրով մարզում գործող բոլոր ուսումնական հաստատություններին համապատասխանաբար անվճար բաշխվել են շուրջ 800 անուն գրականություն:

«Հանրապետության երաժշտական և արվեստի դպրոցների համար երաժշտական գործիքների շրջանառու հիմնադրամ» ծրագրի միջոցով 2013 թվականին մարզի 9 ուսումնական հաստատություններին տրամադրվել է 10 երաժշտական գործիք`  տրոմբոն, շեփոր, ուդ, քամանչա, գակարափող, ալտ, քամանչա, քանոն (գործընթացը  շարունակական է):

2014 թ. «Երաժշտական և արվեստի դպրոցների ազգային, լարային և փողային նվագարանների գծով ուսուցում» ծրագրի  շրջանակում, մարզի 377 սովորող ստացել է ուսման վարձավճարի փոխհատուցում:

2014 թ. մեկնարկած «Հայաստանում վարպետության դասերի կազմակերպում արտերկրի մասնագետների կողմից» ծրագրի շրջանակում մարզի 3 շնորհալի պատանի երաժիշտ-կատարողներ` Գևորգ Պապիկյանը, Նորիկ Սահակյանը, Ազատ Հարությունյանը մասնակցել են ՌԴ ժողովրդական արտիստ, պրոֆեսոր Վ. Մ. Պրոկոպովի (շեփոր, ք. Մոսկվա) և ՌԴ վաստակավոր արտիստուհի, Մարիինյան թատրոնի սոլիստ Մ. Ա. Ֆեդոտովայի (ֆլեյտա, ք. Սանկտ-Պետերբուրգ) կողմից անցկացվող վարպետության դասերին:

Ս. թ. հոկտեմբերի 22-ին ՀՀ Նախագահ Ս. Սարգսյանի Շիրակի մարզ կատարած այցի շրջանակում, ՀՀ մշակույթի նախարար Հասմիկ Պողոսյանը ներկա է գտնվել Գյումրիի «Վարդուհի» արվեստի դպրոցի բացմանը, շրջայց կատարել Արմենակ և Եղիսաբեթ Օյունջյանների անունը կրող միջնակարգ դպրոց-վարժարանում, ծանոթացել կրթահամալիրի ընթացիկ գործունեությանը և ծրագրերին: Հայաստանում մատաղ սերնդի գեղագիտական դաստիարակության  զարգացման գործում ունեցած նշանակալի ավանդի համար ամերիկաբնակ բարերար Ջոն Հովհաննես Օյունջյանը պարգևատրվել է ՀՀ մշակույթի նախարարության Ոսկե մեդալով:


ԶՎԱՐԹ ԽԱՉԱՏՐՅԱՆ

«ԺԱՆՏԱԽՏՈՎ, ՓՏԱԽՏՈՎ ՈՒ ՍՈՎԵՏԱԽՏՈՎ ՀԻՎԱՆԴ ՍԵՐՈՒՆԴԸ ՊԻՏԻ ԳՆԱ, ՈՒ ՆՈՐ ՍԵՐՈՒՆԴԸ ՊԻՏԻ ՓՐԿԻ ԱՅՍ ԵՐԿԻՐԸ»

0
0

«ԺԱՆՏԱԽՏՈՎ, ՓՏԱԽՏՈՎ ՈՒ ՍՈՎԵՏԱԽՏՈՎ ՀԻՎԱՆԴ ՍԵՐՈՒՆԴԸ ՊԻՏԻ ԳՆԱ, ՈՒ ՆՈՐ ՍԵՐՈՒՆԴԸ ՊԻՏԻ ՓՐԿԻ ԱՅՍ ԵՐԿԻՐԸ»


Կինոռեժիսոր ԱՐՇԱԿ ԶԱՔԱՐՅԱՆԸ սկսել է  նոր` «Շունչը»  ֆիլմի նկարահանման ընթացքը: «Իրավունքի» հետ զրույցում կինոռեժիսորը ասաց, որ այն հերթական ռազմահայրենասիրական ֆիլմ է, որը նվիրված է զոհված ազատամարտիկներին. «Սցենարը տեղադրված է «Շունչ»-ի ֆեյսբուքյան էջում, դա նրանց համար է, ովքեր աջակցում են ինձ` ֆիլմը նկարահանելու համար: Գիտեք, որ իմ ֆիլմերի գումարները ժողովուրդն է հավաքում, ես չունեմ պետական աջակցություն, չունեմ որեւէ օլիգարխի աջակցություն: Այն հերթական ռազմահայրենասիրական ֆիլմն է, զոհված ազատամարտիկների ու այս սերնդի մասին է: Այն զոհված հայերի, որոնց շունչը փոխանցվում է իրենց որդիներին ու չի կարող նրանց որդին վատ հայ մեծանալ: Իմ ֆիլմերը նպատակ են հետապնդում սերունդ դաստիարակելու, ես չեմ գնում գիտաֆանտաստիկ կամ սարսափ ֆիլմերի հետեւից, կամ էլ` պարապ-սարապ, հի-հի, հա-հա-ներ չեմ նկարում: Իմ ֆիլմերն ուղղված են սերունդ դաստիարակելուն, որովհետեւ գտնում եմ, որ այդ դաստիարակվող սերունդն է այս երկրի փրկությունը: Ժանտախտով, փտախտով ու սովետախտով հիվանդ սերունդը պիտի գնա, ու նոր սերունդը պիտի փրկի այս երկիրը: Կոռուպցիան մեր արյան մեջ է, դրա համար մեր սերունդը պիտի գնա, իսկ նոր սերնդին պետք է ճիշտ դաստիարակել: Իսկ այսօրվա այդ լկտիություններով, լպիրշություններով ու  գոմիկություններով, չգիտեմ ինչ գենդերա-մենդերա օրենքներով, այս սերնդին փորձում են փչացնել, որովհետեւ գիտեն, որ նրանք են փրկելու այս երկիրը: Իսկ դրսի բոլոր ուժերը ուզում են այդ գենդերաստանով փչացնել այս սերունդը, ես էլ ուզում եմ` ճիշտ սերունդ մեծանա, որ այս երկիրը պահի: Իմ բոլոր ֆիլմերում այդ  թեման է, այլ թեմա չեք տեսնի` «Բոյկոտը», «Կինը», «Անպետքը»` բոլորը հայապահպանման, ազգային շահեր հետապնդող ֆիլմեր են»:

 

ԼԻԼԻԹ ԵՂԻԱԶԱՐՅԱՆ

ԲՀԿ ՆՈՐԱԹՈՒԽ ՊԱՏԳԱՄԱՎՈՐ.«ԴԵ ՄԻ ԲԱՆ ԿԱՆԵՆՔ ԷԼԻ, ԿԿԱԶՄԱԿԵՐՊԵՆՔ

0
0

ԲՀԿ ՆՈՐԱԹՈՒԽ ՊԱՏԳԱՄԱՎՈՐ. «ԴԵ ՄԻ ԲԱՆ ԿԱՆԵՆՔ

ԷԼԻ, ԿԿԱԶՄԱԿԵՐՊԵՆՔ

 

ԲՀԿ  նորաթուխ պատգամավոր Տիգրան Ներսիսյանին, ինչպես շատ այլ պատգամավորների, կարելի է տեսնել միայն քվեարկությունների ժամանակ: Տիգրան Ներսիսյանը  ԲՀԿ ցուցակ է ընդգրկվել այս տարվա հունիսին փոխարինելով Գրիգոր Գրիգորյանին (Շերիֆին): Նախ ներկայացնենք Տիգրան Ներսիսյանի կենսագրությունը: 2014թ. հունիսի 5-ին ԱԺ պատգամավոր է ընտրվել համամասնական ընտրակարգով «Բարգավաճ Հայաստան» կուսակցությունից: 2008-2012թթ. եղել է Հրազդան քաղաքի ավագանու անդամ: 2003-2012թթ. եղել է «Հրազդան հաց» ՍՊԸ գլխավոր հաշվապահ: 2012-2014թթ.`  «Հրազդան հաց» ՍՊԸ տնօրեն: . օգոստոսի 14 ին Հրազդանում: 1999-2001թթ. ծառայել է ՀՀ զինված ուժերում: 1999թ. ավարտել է Հայկական գյուղատնտեսական ակադեմիայի ճարտարագիտական ֆակուլտետը, 2012թ.` Հայաստանի պետական տնտեսագիտական համալսարանի ֆինանսական ֆակուլտետը: Հիդրոտեխնիկ: Հանրային ֆինանսների մագիստրոս:

Հիշեցնենք, որ ամիսներ առաջ  Գրիգոր Գրիգորյանին փոխարինելու հարցը  ԲՀԿ-ում մեծ աժիոտաժ էր առաջացրել: Տիգրան Ներսիսյանին պետք է փոխարիներ ազգությամբ եզդի Ռուստամ Մախմուդյանը, սակայն ԲՀԿ առաջնորդի ցանկությամբ նրան փոխարինեց Տիգրան Ներսիսյանը: 
«Իրավունքը» Տիգրան Ներսիսյանից հետաքրքրվեց, թե ինչու ոչ մի անգամ երիտասարդ պատգամավորը ելույթ, հայտարարություն, նախաձեռնություն չի ներկայացրել: Որքան էլ զարմանալի թվա, բայց երիտասարդ ԲՀԿ-ականը անկեղծ պատասխանեց. «Դուք երեւի գիտեք, ես նոր եմ, կադապտացվենք, կիմանանք էլի, ինչի մասին է խոսքը, կանենք, կկազմակերպենք: Ես այլ գործընթացներով եմ զբաղված»:

Հարցին, թե  ինչ կշահի Հայաստանը ԵՏՄ-ի անդամակցությունից, պրն Ներսիսյանը  հստակ պատասխան չտվեց, միայն ասաց, որ անպայման կշահի:

Ի դեպ, ԲՀԿ պատգամավորը կողմ է քվեարկել ԵՏՄ-ի  պայմանագրի վավերացմանը:

Պատգամավորը 2014 թվականի համար հայտարարագրել է բնակարան, հողամասեր, բեռնատար ավտոմոբիլային տրանսպորտի` GAZ 52, FORD TRANSIT 1.6 եւ մարդատար ավտոմոբիլային տրանսպորտի միջոցներ` CHEVROLET NIVA 21230, TOYOTA LAND CRUISER 200 4.7 GAS, TOYOTA LAND CRUISER PRADO V6 4.0: Պատգամավորի եկամտի միակ աղբյուրը, ըստ հայտարարագրի աշխատավարձն է:

Հ. Գ. Դե ինչ, հուսանք  ԲՀԿ պատգամավորն արագ կադապտացվի խորհրդարանի աշխատանքին ու առօրյային եւ մինչ հաջորդ ընտրությունները  կհասցնի ճանաչվել   ընտրողների կողմից:


ՍՈՆԱ ԴԱՎԹՅԱՆ

Viewing all 18713 articles
Browse latest View live